Esperta respirando aire
puro e contemplando a
beleza natural que te rodea.
Un pulmón verde no corazón de Galicia
O Concello está situado dentro da Reserva da Biosfera Terras do Miño, destacando especialmente pola súa espléndida biodiversidade. Con dúas fermosas áreas fluviais en Begonte e Baamonde, o río Ladra actúa de eixo esencial das actividades o aire libre, con zonas de baño para o verán, merendeiros, rutas de sendeirismo e espazos para o lecer e as xuntanzas festivas da veciñanza.
En Begonte tes o privilexio de vivir en plena natureza e desfrutala no teu día a día.
Áreas recreativas fluviais en Begonte e Baamonde
Respira cultura.
Ven a vivir a Begonte e forma
parte dunha comunidade
repleta de historia, tradicións e
lendas ancestrais.
As terras que compoñen Begonte gardan como tesouros pegadas das antiguas culturas dos nosos ancestros, a meirande parte aínda sen explorar. Conxuntos megalíticos e bosques sagrados, castros celtas, restos da ocupación romana, edificios e igrexas de orixe medieval, cruceiros e muíños.
Begonte, tamén terra de artesáns e artistas, respira cultura pasada e presente e traballa acotío por facer que tradición e contemporaneidade convivan e moldeen positivamente o lugar onde vivimos.
Respira festa!
Porque aquí somos moi de
festexar cada momento.
En Begonte gústanos
manter
as tradicións.
Celebramos as nosas festas patronais en cada parroquia, xuntámonos para homenaxear ós nosos maiores, reunimos á mocidade na Festa da Xuventude, festexamos o verán á beira do río coa Festa da Empanada, e non esquecemos estar á vangarda das novas tendencias en música en galego co noso festival 27373.
Ata temos unha das romerías de peregrinación máis importantes e coñecidas de Galicia, a nosa Virxe dos Miragres de Saavedra.
En Begonte do Belén
Dende 1972, o Belén de Begonte forma parte da nosa esencia como pobo. No Nadal Begonte transfórmase e recibe a miles de visitantes desexosos de desfrutar do noso fermoso Belén electrónico. E arredor deste acontecemento teñen lugar unha chea de actividades como premios de poesía, pintura, xornalismo ou debuxo infantil. O ambiente festivo acentúase aínda máis coa celebración do tradicional Mercado de Nadal que cada ano atrae a maior número de expositores e público. Se vives o Nadal, este é o teu sitio!
Respira
Nadal!
Séguenos en Instagram e nas nosas redes sociais para recibir todas as nosas novas.